Un bèl jorn, a Sabdell, en Catalonha, arribèt un gojat qu'aviá viscut pendent d'annadas en Occitània e que s'èra noirit de sa lenga e sas tradicions. Un còp installat a Sabadell, trobèt de musicians amb qual partejar totas aquelas musicas que portava al dedins. Es aital que nais Mirabèl: un grop del Vallès (Catalonha) que vòl mostrar al public una partida de la diversitat musicala d'Occitània a travèrs las cançons e las danças, de las sonadas mai tradicionalas fins a las cançons d'autors que i an daissat lor marca. Mirabèl, es una seria de diferents projèctes, que s'adaptan tant a l'empont com a la carrièra, que van de la dança a la musica d'escotar, de la diversion a la divulgacion del fach occitan... Los membres de Mirabèl son: Rafèu Sichel Bazin (votz, acordeon diatonic), Ermengol Marcos Forniol (violon, votz) e Joan Codina Vila (pifre, tamborin, votz).

Rafèu Sichel Bazin (votz, acordeon diatonic)
Ermengol Marcos Forniol (violon, votz)
Joan Codina Vila (pifre, tamborin, votz).

Discografia
TASTA... E DANÇA! (Autoeditat, 2009)

Contacte
Joan Codina
Tel. 605627680
mirabel@occitania.org
http://mirabelmusicaoccitana.blogspot.com/